საქართველოს საგარეო საქმეთა სამინისტროს ცნობით, ანტალიაში, ქემერში, სასტუმროში გაჩენილი ხანძრის შედეგად დაშავებულებს შორის საქართველოს მოქალაქეები არ არიან.
მათივე ცნობით, ხანძრის შედეგად 14 ადამიანი დაშავდა და მათ შორის ქართველები არ არიან.
შეგახსენებთ, თურქეთში, ანტალიაში ერთ-ერთ ხუთვარკვლავიან სასტუმროში ხანძარი გაჩნდა.
ძლიერი ხანძრის გამო 400 ადამიანის ევაკუაცია მოხდა.
როგორც ირკვევა, ხანძარი სასტუმროს სამზარეულოში ადგილობრივი დროით დილის 08:00 საათზე გაჩნდა. მეხანძრეებმა ზოგიერთი დამსვენებლის ევაკუირება აივნებიდან განახორციელეს.
