ეროვნულ-დემოკრატიული ინსტიტუტის (NDI) კვლევის მიხედვით, გამოკითხულთა 33% ქართველ დამკვირვებელს ენდობა.

საკითხის მიმართ ნეიტრალურად არის განწყობილი 42%, არ ენდობა 21%, 4%-ს კითხვაზე პასუხი არ აქვს.

თავისუფალი და სამართლიანი არჩევნებისათვის უმთავრესი დაბრკოლებად ამომრჩეველთა მოსყიდვას მოიაზრებს გამოკითხულთა 32%, 18% მიიჩნევს, რომ მთავარი დაბრკოლება ამომრჩეველთა შევიწროვებაა, გამოკითხულთა 14% კი ფიქრობს, რომ მთავარი დაბრკოლება ბიუჯეტიდან არჩევნებზე უსამართლოდ ფულის ხარჯვაა.

კითხვაზე - როგორ ფიქრობთ, რა არის, თუ საერთოდ არის ასეთი, სამი უმთავრესი დაბრკოლება თავისუფალი და სამართლიანი არჩევნებისთვის საქართველოში, პასუხები ასე გადანაწილდა:

14% ამომრჩველთა სიებთან დაკავშირებული პრობლემები;

12% საარჩევნო ყუთებში ზედმეტი ბიულეტენის ჩაყრა; 

12%  რომელიმე კანდიდატისთვის სამსახურის შესანარჩუნებლად ხმის მიცემა;

11% ხმის მიცემა ერთზე მეტჯერ(კარუსელი);

10%  ერთი ადამიანის მიერ სხვების ნაცვლად ხმის მიცემა;

10% თანამშრომლის იძულება დამსაქმებლის მიერ მონაწილეობა მიიღოს კამპანიაში.