ეროვნულ-დემოკრატიული ინსტიტუტის - NDI კვლევის მიხედვით (2017 წლის ივნისი), გამოკითხულთა 59% ეთანხმება მოსაზრებას, რომ ყოფილი პრემიერ-მინისტრი ბიძინა ივანიშვილი კვლავ რჩება ხელისუფლების საქმიანობაზე გადაწყვეტილების მიმღებ პირად.
19% თვლის, რომ ივანიშვილი აღარ არის გადაწყვეტილების მიმღები პირი მას შემდეგ, რაც თანამდებობიდან გადადგა.
რაც შეეხება კვლევის ნაწილის 2016 წლის მარტი, 66% ეთანხმება მოსაზრებას, რომ ყოფილი პრემიერ-მინისტრი კვლავ რჩება ხელისუფლების საქმიანობაზე გადაწყვეტილების მიმღებ პირად. კვლევის მიხედვით, გამოკითხულთა 4% არც ერთ მოსაზრებას არ ეთანხმება, ხოლო 16%-ს პასუხი არ აქვს.
ეროვნულ-დემოკრატიული ინსტიტუტი დღეს საზოგადოებრივი კვლევის პოლიტიკურ ნაწილს ასაჯაროებს.
კვლევის საველე სამუშაოები 18 ივნისი - 9 ივლისის პერიოდში 2,261 პირისპირ ინტერვიუს წარმომადგელობითი შერჩევის საფუძველზე საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევის ცდომილება +/- 2,2 %-ია.
