ეიფელის კოშკი ტურისტებისათვის 2018 წლის 1-ელ იანვარს გაძვირდება. როგორც უცხოური მედია წერს, ეიფელის კოშკის მონახულება სტუმრებს უფრო ძვირი დაუჯდებათ, ვიდრე ადრე, რადგანაც ტარიფები იზრდება. რაც თავის მხრივ კოშკის მიმართ გრანდიოზულ გეგმებს უკავშირდება.
მაშ ასე, 2018 წლის 1-ელ იანვრიდან ეიფელის კოშკის მონახულება სტუმარს 17 ევროს ნაცვლად 25 ევრო დაუჯდება.
დაგეგმილია ასევე ონლაინ უფრო მეტი ბილეთის რეალიზაციაც, რადგანაც აქამდე ონლაინ ბილეთების 23%-ის რეალიზაცია ხდებოდა. გაწერილი გეგმის მიხედვით, 2020 წლისთვის ეს მაჩვენებელი 80%-მდე უნდა გაიზარდოს, რაც ეიფელის სალაროებთან რიგებს შეამცირებს.
შეგახსენებთ, რომ 2017 წლის ბოლოსთვის ეიფელის კოშკის გარშემო ტყვიაგაუმტარ მინის კედელს აღმართავენ, რაც უსაფრთოების ნორმების გამკაცრებას უკავშირდება.
ეიფელის კოშკს ყოველწლიურად 7 მლნ ტურისტი აკითხავს. ის ღიაა 09:00 საათიდან 00:45 საათამდე.
ეიფელის ბოლო სართულების ბილეთის ღირებულება 17 ევროს, მეორე დონეზე კი ბილეთის ფასი 11 ევროა. ხოლო მეორე სართულზე ასვლის ტარიფი 7 ევროა.
