კონკურენციის სააგენტომ შპს „აიპლიუსი“ არაკეთილსინდისიერ კონკურენტად სცნო. 5 აგვისტოს “აიტექნიკმა” განცხადებით მიმართა კონკურენციის სააგენტოს, ვინაიდან მიიჩნევდა, რომ იმყოფებოდა არაკეთილსინდისიერი კონკურენციის პირობებში შპს “აიპლუსის” მხრიდან.
„მოგახსენებთ რომ 5 წლის განმავლობში itechnics.ge რომელიც მხოლოდ ერთი ასოთი გასხვავდებიდა აიტენიკის ოფიციალური ვებგვერდისგან (itechnic.ge) იმყოფებოდა კონკურენტი კომპანიის აიპლუსის კუთვნილებაში, აღნიშნულ ვებგვერდზე აიპლიუსი, აიტექნიკს უვრცელებდა იმიჯის და საქმიანი რეპუტციის შემლახველ ინფორმაციებს. შეგახსენებთ, რომ 5 წლის განმავლობაში აღნიშნულ გვერდზე ხდებოდა უნიტაზების ფოტოების განთავსება შემდეგი სლოგანებით: ,,აიტექნიკი, თქვენი მეგზური უნიტაზების სამყაროში”, ,,აიტექნიკი უნიტაზების სამყარო” და ასე შემდეგ“, აღნიშნულია “აიტექნიკის” განცხადებაში.
ფაქტობრივი მასალებიდან გამომდინარე კონკურენციის სააგენტო მიიჩნევს, რომ მოცემულ შემთხვევაში, გამოხატვის თავისუფლების კონსტიტუციური უფლება (რომ შპს “აიპლუსის” დირექტორმა განათავსოს საიტზე მისთვის სასურველი ინფორმაცია) ხელყოფს სხვათა უფლებებს და საფრთხეს უქმნის საქართველოს კონსტიტუციით გაცხადებულ კონკურენციის განვითარების პრინციპს.
„www.itechnics.ge-ზე განთავსებული შინაარსი და მათი ფორმა ლახავს შპს ,,აიტექნიკის” რეპუტაციას, რაც წარმოადგენს ,,კონკურენციის შესახებ” საქართველოს კანონის 11-ე მუხლის მე2 პუნქტის ,,გ” ქვეპუნქტით გათვალისწინებულ ქმედებას. www.itechnic.ge-ზე განთავსებული გამოსახულებები ეწინააღმდეგება საქმიანი ეთიკის ნორმებს და ლახავს კონკურენტის (შპს ,,აიტექნიკის”) ინტერესებს.
ასევე გვინდა ავღნიშნოთ, რომ მიმდინარე წლის 8 მაისს საქალაქო სასამართლომ აღნიშნულ დავაზე მიიღო იგივე გადაწყვეტილება და დაადასტურა, რომ აიტექნიკი წლების განმავლობაში ნამდვილად არაკეთილსინდისიერი კონკურენციის პირობებში იმყოფებოდა.
ვფიქრობთ, კონკურენციის სააგენტოს გადაწყვეტილება მნიშვნელოვანია, რადგან დღეს როდესაც საქართველოს აქვს პრეტენზია იყოს ერთიანი ევროპული სივრცის ნაწილი, კომპანიები კონკურენციის კეთილსინდისიერ, ჯანსაღ პირობებში უნდა იმყოფებოდნენ“, აღნიშნულია “აიტექნიკის” მიერ გავრცელებულ განცხადებაში.
