კულტურის მინისტრის მოადგილის, მანანა ბერიკაშვილის განცხადებით, მას ინფორმაცია საერთოდ არ ჰქონდა, რომ პრეზიდენტის ადმინისტრაცია "BLACK SEA ARENA"-ზე აპირებდა გორის ქალთა კაპელას ხელმძღვანელის, თეონა ცირამუას დაჯილდოებას, რომელიც ჩაიშალა.
მანანა ბერიკაშვილის თქმით, ჩატარებულ კონცერტში მათ მონაწილეობა საეროდ არ მიუღიათ.
შეკითხვაზე "BLACK SEA ARENA"-ზე ბიძინა ივანიშვილის მისვლა ხომ არ იყო დაკავშირებული დაჯილდოების ჩაშლასთან, მანანა ბერიკაშვილი ამბობს, რომ მსგავსი ეჭვები წარმოუდგენლად მიაჩნია.
„კულტურის სამინისტროს პირველად ესმის ეს თემა, ნამდვილად ვერაფერს გეტყვით. ჩვენი სსიპ არის გორის ქალთა გუნდი, მაგრამ პრეზიდენტის ჯილდოს თაობაზე არაფერი ვიცი, პირველად მესმის,“ - განაცხადა მანანა ბერიკაშვილმა „რუსთავი 2“ -თან საუბრისას.
