ესტონეთის ყოფილი პრემიერ-მინისტრის, მარტ ლაარის შეფასებით, საქართველოს ეკონომიკა მალე სტაბილური გახდება. ამის შესახებ ექს-პრემიერმა ევროპის სახლში შეხვედრის დაწყების წინ განაცხადა.
"მისასალმებელია ხელისუფლების ის რეფორმები ეკონომიკური მიმართულებით, რომელსაც საქართველოს ხელისუფლება ახორციელებს. ამ კუთხით ვითარება თანდათან უმჯობესდება და მალე საქართველოს ეკონომიკა სტაბილური გახდება", - აღნიშნა ლაარმა.
საქართველოში ევროკავშირის წარმომადგენლის, პიერ ეკლუნდის განცხადებით, დღევანდელ შეხვედრაზე ესტონეთის ყოფილ პრემიერ-მინისტრთან საქართველოს ევროკავშირთან ინტეგრაციის საკითხებს განიხილავენ. შეხვედრა ევროპის სახლში დაიწყო და დაახლოებით ერთი საათის განმავლობაში გაგრძელდება.
