ქრისტიან-დემოკრატების წარმომადგენელი ლევან ვეფხვაძე სააკაშვილს ურჩევს, ეგზისტენციალური საფრთხეების შესახებ ნაკლები ილაპარაკოს, ვინაიდან პრეზიდენტის ასეთი საუბარი ინვესტორებს ყველაზე მეტად აფრთხობს. ამის შესახებ განცხადება ვეფხვაძემ პარლამენტის განახლებული სამთავრობო გეგმის განხილვისას გააკეთა.
"ერთ დღეს სააკაშვილი კატარში ჩადის, ინვეტსორებს საქართველოში ფულის ჩადებას სთხოვს და მათ ბიზნესის დაცვის გარანტორად უდგება, ამ დროს კი ეთერში იმიტირებული ქრონიკა გადის, რომელიც პრეზიდენტის ლიკვიდაციით სრულდება. საინტერესო ის არის, რომ ამას თავად სააკაშვილი ამბობს: ის რაც იმიტირებულ ქრონიკაში ითქვა, რეალობასთან ახლოს არისო. ანუ პრეზიდენტი რეალურად უცხოელ ინვეტორებს ეუბნება, მართალია, მე ვარ თქვენი გარანტორი, მაგრამ შეიძლება მომკლანო", - განაცხადა ვეფხვაძემ და აღნიშნა, რომ ვიდრე სააკაშვილი ქვეყნის წინაშე ეგზისტენციალური ყოფნა-არყოფნის საფრთხეების შესახებ საუბრობს, ყოველგვარ უცხოურ ინვესტიციებზე საუბარი არასერიიოზულია დაEშესაბამისად არასერიოზულად მიაჩნია ამ საკითხის პრიორიტეტად განსაზღვრა მთავრობის სამოქმედო გეგმაშიც.
