19 ივლისს, 16:30 საათზე, სასტუმრო „შერატონში“, ბიზნეს ფორუმი ჩატარდება. ფორუმს აჭარის მთავრობის თავმჯდომარე ზურაბ პატარაძე გახსნის. საინვესტიციო ფორუმს საქართველოს პრეზიდენტი გიორგი მარგველაშვილი და საქართველოში ოფიციალური ვიზიტის ფარგლებში მყოფი უკრაინის პრეზიდენტი პეტრე პოროშენკო დაესწრება.
ფორუმზე რეგიონის საინვესტიციო შესაძლებლობებზე სპეციალურ პრეზენტაციას აჭარის ფინანსთა და ეკონომიკის მინისტრის მოადგილე კონსტანტინე მეგრელიშვილი გამართავს.
ფორუმის მონაწილეები აჭარის საპრივატიზაციო ობიექტებზე, საქართველოში ბიზნესის დაწყების რეგულაციებზე, რეგიონის ეკონომიკის ძირითად პარამეტრებზე ინფორმაციას მიიღებენ. სტუმრებს აჭარის უცხოენოვანი საინვესტიციო ვიდეო რგოლის ნახვის შესაძლებლობა ექნებათ.
ფორუმის მონაწილეებს აჭარის ტურიზმისა და სოფლის მეურნეობის კუთხით არსებული პოტენციალის გაცნობის საშუალება მიეცემათ
ბიზნეს ფორუმს საქართველოსა და უკრაინაში ლოჯისტიკის, ტურიზმისა და სოფლის მეურნეობის სფეროში მოღვაწე კომპანიების წარმომამდგენლები დაესწრებიან.
ფორუმის ფარგლებში ქართულ და უკრაინულ კომპანიებს შორის პირისპირ შეხვედრები გაიმართება, სადაც მხარეები სამომავლო თანამშრომლობაზე ისაუბრებენ.
