საქართველო უკრაინულ ბიზნესს ხელსაყრელ ბიზნესგარემოს პირდება. როგორც პრემიერ-მინისტრმა გიორგი კვირიკაშვილმა საქართველო-უკრაინის ბიზნესფორუმზე სიტყვით გამოსვლისას აღნიშნა, საქართველო უკრაინულ ბიზნესწრეებს სთავაზობთ მაქსიმალურად კომფორტულ პირობებს და თავისუფალ სავაჭრო რეჟიმებს თურქეთთან, ჩინეთთან, ჰონკონგთან.
”ჩვენ დიდ მნიშვნელობას ვანიჭებთ ბიზნესსექტორთან თანამშრომლობას, რადგან მიგვაჩნია, რომ სწორედ ის არის ქვეყნის ეკონომიკური განვითარების მთავარი მამოძრავებელი ძალა. დღეს ჩვენ მზად ვართ უკრაინულ ბიზნესწრეებს შევთავაზოთ საქართველოში არსებული მაქსიმალურად კომფორტული პირობები ბიზნესის განვითარებისთვის, ასევე თავისუფალი სავაჭრო რეჟიმები თურქეთთან, ჩინეთთან, ჰონკონგთან და მომავალი წლის ბოლოდან, დიდი ალბათობით, ინდოეთთან, რადგან უკვე არსებობს ორმხრივი დაინტერესება და კონსულტაციებიც დაწყებული გვაქვს. დარწმუნებული ვარ, რომ დღევანდელი ბიზნესფორუმი საინტერესოდ წარიმართება, გამოიკვეთება კონკრეტული ბიზნესინტერესები და გაჩნდება ბიზნესთანამშრომლობის ახალი პერსპექტივები”, - აღნიშნა პრემიერ-მინისტრმა.
