ვაკის პარკში ქვეწარმავლების გავრცელების საწინააღმდეგოდ პრევენციული ღონისძიებები გატარდა. ვაკის გამგეობისა და სსიპ ცხოველთა მონიტორინგის სააგენტოს ერთობლივი აქციის ფარგლებში, აღნიშნული ტერიტორია სპეციალური ხსნარით - რეპელენტით შეიწამლა.
„ტერიტორიების რეპელენტით შეწამვლა-დამუშავება არის ქვეწარმავლებისგან დაცვის ყველაზე აპრობირებული მეთოდი და რაც მთავარია, ეს ნივთიერება საფრთხეს არ წარმოადგენს ადამიანის ჯანმრთელობისთვის“, - აღნიშნულია ვაკის გამგეობის განცხადებაში.
უწყების ცნობით, დედაქალაქში გველების გავრცელება სეზონურად, ტემპერატურის მატებასთან ერთად იწყება. ქვეწარმავლის აღმოჩენის შემთხვევაში, მოქალაქეებს ცხოველთა მონიტორინგის სააგენტოს გამოძახება 112-ზე 24 საათის განმავლობაში შეუძლიათ.
