შემოდგომით უკრაინაში შესაძლოა ახალი „ლოუკოსტერი“ შეიქმნას. აღნიშნულის შესახებ განცხადება ქვეყნის ინფრასტრუქტურის მინისტრმა ვლადიმირ ომელიანმა გააკეთა, რომელიც ვარაუდობს, რომ ავიაკომპანიის დაფუძნება უცხოური ინვესტიებით მოხდება.
მინისტრის თქმით, უკრაინის ბაზარი „ლოუკოსტერებისათვის“ ღიაა, თუმცა მათ შემოსვლას სხვადასხვა ხერხებით FlyUA უშლის ხელს.
მინისტრი აცხადებს, რომ სიტუაცია რადიკალურად შეიცვლება თუ კი ქვეყანაში ახალი ეროვნული დაბალბიუჯეტიანი ავიაკომპანია შეიქმნება.
„სიტუაციის განმუხტვა მხოლოდ ახალი „ლოუკოსტერის“ შექმნის შემდეგ მოხდება. ვიმედოვნებთ, რომ ახალი კომპანია უკვე შემოდგომისთვის დარეგისტრირდება. ეს იქნება კერძო ინვესტიცია, სქემით: 51%-ი უკრაინული, ხოლო 49%-ი უცხოური“, აღნიშნა მინისტრმა.
