საზღვაო ტურისტული სეზონის გააქტიურებასთან ერთად, ავიაკომპანია „სერვისეარი“, რომელიც  თბილისი-ბათუმი-თბილისის მიმართულებით ასრულებს რეისებს, დატვირთულობის ზრდას ელოდება.

როგორც კომპანიის ხელმძღვანელი ამირან მანჯავიძე აცხადებს, ამ დროისათვის თბილისი-ბათუმი-თბილისის ავიარეისზე კომპანია 40 %-იანი დატვირთვით ოპერირებს, თუმცა ავიაბილეთების გაყიდვების მაჩვენებელი ყოველდღიურად იზრდება.

„სერვისეარის" ხელმძღვანელი ამბობს, რომ საზღვაო სეზონის გააქტიურებასთან ერთად ავიაბილეთებზე მოთხოვნა მზარდია. დღის განმავლობაში არის რეისები, რომელსაც ავიაკომპანია 100%-იანი დატვირთვით ასრულებს.

ამირან მანჯავიძე აცხადებს, რომ თბილისი-ბათუმი-თბილისის რეისებით ქართველებთან ერთად უცხოელი ტურისტებიც აქტიურად სარგებლობენ.

დღევანდელი მაჩვენებლებით, აღნიშნულ მიმართულებაზე ავიაკომპანიის მგზავრთა 40%-ს უცხო ქვეყნის მოქალაქეები შეადგენენ.

როგორც ცნობილია ავიაკომპანია „სერვისეარმა“ თბილისიდან ბათუმის მიმართულებით ავიარეისებს
განხორციელება  7 ივლისიდან   დაიწყო.

მგზავრებს „სააბის“ ტიპის 32 ადგილიანი საჰაერო ხომალდი ემსახურება. ერთი გზის ბილეთის ღირებულება კი 90 ლარს შეადგენს.

აღნიშნულ მარშრუტზე ფრენები სრულდება ყოველდღე, ოთხშაბათის გარდა, შემდეგი განრიგით:

მიმართულება ორშაბათი სამშაბათი ხუთშაბათი პარასკევი შაბათი კვირა
ორშაბათი / სამშაბათი / ხუთშაბათი:
თბილისი - ბათუმი - 10:00 სთ.
ბათუმი - თბილისი - 12:00 სთ.
თბილისი - ბათუმი - 18:00 სთ.
ბათუმი - თბილისი - 20:00 სთ.
პარასკევი:
თბილისი - ბათუმი - 10:00 სთ.
ბათუმი - თბილისი - 12:00 სთ.
თბილისი - ბათუმი - 14:00 სთ.
ბათუმი - თბილისი - 16:00 სთ.
თბილისი - ბათუმი - 18:00 სთ.
ბათუმი - თბილისი - 20:00 სთ.
შაბათი:
თბილისი - ბათუმი - 10:00 სთ.
ბათუმი - თბილისი - 12:00 სთ.
კვირა:
თბილისი - ბათუმი - 10:00 სთ.
ბათუმი - თბილისი - 12:00 სთ.
თბილისი - ბათუმი - 14:00 სთ.
ბათუმი - თბილისი - 16:00 სთ.
თბილისი - ბათუმი - 18:00 სთ.
ბათუმი - თბილისი - 20:00 სთ.

ბილეთების შეძენა შესაძლებელია ტურისტული კომპანია „ვანილა სქაის“ თბილისისა და ბათუმის ოფისებში, ასევე აღნიშნული კომპანიის ვებ-გვერდზე http://vanillasky.ge/ 

და ასევე ბათუმის საერთაშორისო აეროპორტის სალაროში.

 დამატებითი ინფორმაციისთვის: ტელ. (+995 32) 2 42 74 27: (+995) 599 65 90 99;