ივანიშვილი ინსულტირებული, პარალიზებული და სრულიად ქმედუუნაროა, - განაცხადა დღეს გამართულ ბრიფინგზე "ლეიბორისტული პარტიის" ლიდერმა შალვა ნათელაშვილმა. მისი განცხადებით, ძალაუფლების გადანაწილებისთვის მასთან პუტინის წარმომადგენლები აწარმოებენ მოლაპარაკებებს. ნათელაშვილის მტკიცებით, ამ მიზანს ემსახურებოდა პუტინის მრჩეველის, მიხეილ შვიდკოის საქართველოში ვიზიტიც.
„ჩვენი ინფორმაციით, ქვეყნის დე ფაქტო მმართველი დიქტატორი ივანიშვილი ინსულტირებული, პარალიზებული და სრულიად ქმედუუნაროა. სადაც ივანიშვილი მკურნალობს, ჩაბრძანდა "გაზპრომის" მმართველი მილერი, პუტინის სახელით და შეეცადა გაეგებინებინა მისი გარემოცვისა თუ მისთვის, რომ გადააბაროს ძალაუფლება სხვა ოლიგარქს, არანაკლებ ქურდსა და ყაჩაღს. ამ შემთხვევაში საუბარია კალაძეზე. პროცესს დაემთხვა პუტინის მრჩეველთა მასობრივი შემოსვლა საქართველოში,“ - განაცხადა შალვა ნათელაშვილმა.
