ევროპის ერთ-ერთმა უმსხვილესმა „ლოუკოსტერმა“ Ryanair-მა უკრაინის მიმართულებით ავიაბილეთების რეალიზაცია შეწყვიტა. აღნიშნულის შესახებ ინფორმაცია ბორისპოლის საერთაშორისო აეროპორტის ხელმძღვანელმა პაველ რიაბიკინმა გააჟღერა.
ამ დროისათვის Ryanair-ს ოფიციალური განცხადება უკრაინის ბაზარზე შესვლის გადაწყვეტილების შეცვლასთან დაკავშირებით არ გაუკეთებია.
შეგახსენებთ, რომ 15 მარტს Ryanair-მა ოფიციალურად განაცხადა, რომ უკრაინის ბაზრით დაინტერესებულია და რომ სექტემბრიდან ფრენების დაწყებას აპირებდა. „ლოუკოსტერმა“ კიევისა და ლვოვის მიმართულებებზე ბილეთების გაყიდვაც კი დაიწყო, რომლის მინიამლური ფასიც 19,99 ევროს (ერთი გზა) შეადგენდა.
