მიენიჭება თუ არა ტერორისტულ ორგანიზაციასთან კავშირში ბრალდებულს, მუსტაფა ემრე ჩაბუქს ლტოლვილის სტატუსი, ამის შესახებ დღეს გახდება ცნობილი. დაცვის მხარეს დადებითი გადაწყვეტილების მოლოდინი აქვს, რადგან ფიქრობენ რომ მათ საკმარისი მტკიცებულებები წარადგინეს მის მიმართ მოსალოდნელი საფრთხეების არსებობის შესახებ.
დაცვის წარმომადგენლები აცხადებენ, რომ არა მხოლოდ პოლიტიკურ მართლმსაჯულებაზეა საუბარი, არამედ მათ აქვთ მტკიცებულებები რომლებიც ფიზიკური განადგურების მუქარას მოიცავს.
ლტოლვილთა და განსახლების სამინისტროს ჩაბუქისათვის და მისი ოჯახისათვის სტატუსის მინიჭების მოთხოვნით დაცვის მხარემ ერთი თვის წინ მიმართა. ლტოლვილის სტატუსის მინიჭებაზე უარის მიღების შემთხვევაში კი გადაწყვეტილებას საქალაქო სასამართლოში გაასაჩივრებენ. ჯერ არ არის ცნობილი დაენიშნება თუ არა სპეციალური დაცვა ჩაბუქის ოჯახის წევრებს.
