კომუნიკაციების ეროვნული კომისიის მონაცემების მიხედვით, 2017 წლის მაისში 357 მილიონი მოკლე ტექსტური შეტყობინება გაიგზავნა.
ეს ციფრი 2016 წლის მაისის მონაცემთან შედარებით 63 მილიონი SMS-ით ნაკლებია. შარშან მაისში საქართველოში 420 მილიონი SMS გაიგზავნა, რაც იმას ნიშნავს, რომ საქართველოში SMS-ების პოპულარობა იკლებს.
2015 წლის მაისში ეს ციფრი 458 მილიონი, 2014 წლის მაისში კი 531 მილიონი მოკლე ტექსტური შეტყობინება იყო.
ამავე სტატისტიკის მიხედვით, ყველაზე მეტი SMS საქართველოში იანვრის თვეში იგზავნება.
