ცხოველთა მოვლა-პატრონობის წესის დარღვევისთვის წელს 500-მდე მოქალაქე დაჯარიმდა, - ამის შესახებ ცხოველთა მონიტორინგის სააგენტოს ხელმძღვანელმა თემურ ფხალაძემ განაცხადა.
მისი თქმით, თუ პატრონმა ცხოველის მიერ ფეკალიით დაბინძურებული გარემო არ დაასუფთავა, სააგენტო უფლებამოსილების ფარგლებში რეაგირებს და მოქალაქის დაჯარიმება ხდება.
"ვაჯარიმებთ იმ ადამიანებს, რომლებმაც ცხოველის მოვლა-პატრონობის წესი დაარღვია. ასეთი შემთხვევები საკმაოდ ხშირად არის, მაგრამ ცხოველების მოვლა-პატრონობის წესის დაცვის მიმართულებით მოსახლეობის ცნობიერებაც ეტაპობრივად, თანდათან მატულობს. საამისოდ სააგენტომ ძალიან ბევრი ღონისძიება განახორციელა სოციალური თუ სხვა სახის რეკლამის განხორციელებით", - განაცხადა ფხალაძემ.
მისივე განმარტებით, ჯარიმის ოდენობა 8 ლარიდან იწყება და განსხვავებულია, ვინაიდან დამოკიდებულია იმაზე, თუ სად მოხდა დაჯარიმება, იყო თუ არა განმეორების შემთხვევა და ასე შემდეგ.
