რუსულმა ავიაკომპანია Aeroflot-მა მომსახურების წესებს გადახედა და ტურისტულ კომპანიებს ბილეთების გაფორმებისას მგზავრის ტელეფონის ნომრის მითითება დაავალდებულა.
აღნიშნული ვალდებულება ტურისტულ სააგენტოებს ეკისრებათ არა მხოლოდ ავიაბილეთის რეალიზაციისასა, არამედ ჯავშნის გაკეთების პერიოდშიც.
წინააღმდეგ შემთხვევაში ტურისტულ კომპანიას ავიაკომპანიისგან ჯარიმა შეეხება, თუმცა რა ტიპის ჯარიმაზეა საუბარი ამ დროისათვის დაკონკრეტებული არ არის.
Aeroflot-ში აღნიშნულ გადაწყვეტილებას საკუთარ კლიენტებთან უშუალო კომუნიკაციის უპირატესობებით ხსნიან და განმარტავენ, რომ ამ გზით მგზავრს საჭირო ინფორმაციას უფრო მარტივად მიაწვდიან.
