თბილისში, ნაძალადევის რაიონში გზების ინფრასტრუქტურული სამუშაოები ნუშის ქუჩაზე დასრულდა. ინფორმაციას ნაძალადევის რაიონის გამგეობა ავრცელებს.
პროექტის ფარგლებში, მოეწყო კანალიზაციის ცენტრალური ქსელი და დაერთებები, ასევე გამოიცვალა წყალსადენის სისტემა. მიწისქვეშა კომუნიკაციების შეცვლის შემდეგ, დაიწყო საგზაო ინფრასტრუქტურის მოწესრიგება - მთლიან ქუჩაზე მოეწყო ბორდიურები, ტროტუარები და დაიგო ორი ფენა ასფალტის საფარი. ჯამში, სარეაბილიტაციო სამუშაოები 7 200 კვ.მ ფართობზე შესრულდა.
ნუშის ქუჩის კაპიტალური რეაბილიტაციის პროექტისთვის გამგეობის ბიუჯეტიდან 750 000 ლარზე მეტი გამოიყო.
