„მაშინ, როცა ჩვენ ტაშფანდურით ვხვდებით ლუჟკოვს და სხვებს, რომლებიც ჩემს ქვეყანას მცოცავი ანექსიით ჭამენ, მე ამას ვერ ვუყურებ ძალიან დამშვიდებული”, - ამის შესახებ ინდოელი ბიზნესმენის, აკბარ ქუშერის ადვოკატმა, მანანა აფხაძემ განაცხადა.
ადვოკატის განცხადებით, ბიზნესმენს არ განუმარტეს კონკრეტული მიზეზი, რატომ არ უშვებენ უკვე მეორედ საქართველოში.
„მაშინ, როცა ჩვენ ტაშფანდურით ვხვდებით ლუჟკოვს და სხვებს, რომლებიც ჩემს ქვეყანას მცოცავი ანექსიით ჭამენ და მე ამას ვერ ვუყურებ ძალიან დამშვიდებული. აქ არ არის პატარა ინტერესი, ეს არის უკვე მართლა სახელმწიფოებრივი სკანდალი, სამარცხვინო ფაქტი. ეს არის სამარცხვინო ფაქტი და უკვე პოლიტიკურ განცხადებასაც ვაკეთებ, იმის ფონზე, რომ ვიღაცეებს ჩვენ ვატარებთ, რომლებიც ცნობილი არიან თავისი ქმედებებით და არ ვატარებთ პიროვნებას, რომელსაც დანაშაული არ აქვს სახელი დაარქვას საზოგადოებამ,“ - აცხადებს მანანა აფხაძე.
შეგახსენებთ, რომ აკბარ ქუშერი დღეს უკვე მეორედ არ შემოუშვეს საქართველოში.
აკბარ ქუშერისთვის საქართველოს ტერიტორიაზე შემოსვლის შესახებ უარს და სასაზღვრო კონტროლის გავლის პროცედურას, ამჯერად სახალხო დამცველის წარმომადგენელი დაესწრო.
არსებული ინფორმაციით, მას არც ამჯერად უკონკრეტებენ მიზეზს, რატომ არ უშვებენ საქართველოს საზღვარზე.
სახალხო დამცველის აპარატის წარმომადგენელი გამშვები პუნქტის წარმომადგენლებს ხვდება.
