„სამწუხაროდ, უფასო ფაკულტეტები ზოგჯერ, არც ისე კარგი აკადემიური მოსწრების მქონე სტუდენტების მისადგომი გახდა“, ამის შესახებ განათლების მინისტრმა ალექსანდრე ჯეჯელავამ განაცხადა.
მინისტრის თქმით,მომავალ წელს, უფასო ფაკულტეტების რაოდენობა გაიზრდება, თუმცა ქულები რომლებიც უფასო ფაკულტეტზე მოსახვედრათ აბიტურიენტებს დასჭირდებათ, ფასიან ფაკულტეტებზე უფრო მაღალი იქნება.
“ე.წ. უფასო ფაკულტეტების წლევანდელი სია, პრაქტიკულად, უცვლელია და ჩამონათვალს ერთი დაემატა, რომელიც უახლოეს დღეებში, გამოქვეყნების შემდეგ გახდება ცნობილი. მომავალ წელს, უფასო ფაკულტეტების რაოდენობა გაიზრდება, თუმცა ქულები რომლებიც უფასო ფაკულტეტზე მოსახვედრათ აბიტურიენტებს დასჭირდებათ, ფასიან ფაკულტეტებზე უფრო მაღალი იქნება“, - განაცხადა ჯეჯელავამ.
