გენუას ქრისტეფორე კოლუმბის სახელობის აეროპორტმა უსაფრთხოების სტანდარტებს გადახედა და ხელბარგით სოუსი პესტოს გადატანის შესაძლებლობა დაუშვა.
აღნიშნული გადაწყვეტილებით, აეროპორტმა ტურისტებს ქვეყნიდან იტალიური სოუსის გატანის შესაძლებლობა მისცა, რაც აქამდე არსებული წესებით აკრძალული იყო.
აეროპორტის განახლებული წესებით, მგზავრს ხელბარგით 500 გრამი სოუსის წაღება შეუძლია.
აეროპორტის ადმინისტრაციამ უსაფრთხოების სტანდარტებს მას შემდეგ გადახედა, რაც ტურისტებში უკმაყოფილების მაჩვენებელი გაიზარდა, რადგანაც მათ ხელბარგიდან სოუსის ამოღება უწევდათ.
წესების ცვლილება გაუხარდათ ადგილობრივ მწარმოებლებსაც, რადგანაც იმედი აქვთ, რომ ამერიდან უფრო მეტ სოუსს გაყიდიან.
