„თბილისი აეროპორტში მომხდარის შესახებ ინდოეთში საქართველოს ელჩს ვესაუბრე. ვუთხარი როგორ მექცეოდნენ საემიგრაციო განყოფილებაში და როგორ ირღვეოდა ჩემი უფლებები” , -ამის შესახებ ინდოეთის მოქალაქემ, ქუშბუ კაუშალიმ განაცხადა.
კაუშალისთვის, რომელიც ქართველ მესაზღვრე პოლიციელებს უხეშ მოპყრობაში ადანაშაულებს, გაუგებარია რატომ არ შეუშვეს საქართველოში, მაშინ როდესაც დოკუმენტაცია წესრიგში ჰქონდა.
„თბილისი აეროპორტში მომხდარის შესახებ ინდოეთში საქართველოს ელჩს ვესაუბრე. ვუთხარი როგორ მექცეოდნენ საემიგრაციო განყოფილებაში და როგორ ირღვეოდა ჩემი უფლებები. მე მესმის რას ნიშნავს იყო მესაზღვრე, ეს დიდი პასუხისმგებლობაა, მაგრამ ვფიქრობ ჩემი უფლებაა ვიცოდე, რატომ მაძევებენ. თბილისის აეროპორტში ამ კითხვაზე პასუხს არავის მცემდა. საქართველოს ელჩს ავუხსენი, რომ წერილის დაწერის მიზანი არის იმ მიზეზების გარკვევა, თუ რატომ ამეკრძალა საქართველოს ტერიტორიაზე შესვლა. საქართველოს ელჩმა მითხრა, რომ გაეცნო ჩემს წერილს და შესაბამის ზომებს მიიღებს, თუმცა როდესაც ვკითხე, რა იქნება ამის საბოლოო შედეგი, პასუხი ვერ მივიღე,“-განაცხადა ქუშბუ კაუშალიმ.
აღსანიშნავია, რომ ღია წერილი, რომელიც ქუშბუ კაუშალიმ ინდოეთში საქართველოს ელჩს გაუგზავნა, ინდურ პრესაშიც დაიბეჭდა.
