ავიაკომპანია Georgian Airways -ის თბილისი-სანკტ-პეტერბურგის რეისის ბორტზე ბომბს ეძებენ. აღნიშნულის შესახებ sova-ს მგზავრებმა აცნობეს. sova-ს ცნობით, თვითმფრინავი პულკოვოს აეროპორტში დაფრენის ტერმინალიდან მოშორებით დაეშვა.
Sova მგზავრებზე დაყრდნობით წერს, იმის გამო, რომ ყველაფერი ბალახით იყო დაფარული იქმნებოდა შთაბეჭდილება, რომელ ეს ძველი ან სათადარიგო ბილიკი იყო. როდესაც თვითმფრინავი დაეშვა მგზავრები ჩვევისამებრ გასასვლელისკენ გაემართნენ. თუმცა ისინი ეკიპაჟის წევრებმა არ გაუშვეს და განუცხადეს, რომ შემოწმება იქნებოდა. როგორც გაირკვა ვიღავამ ავიაკომპანიაში დარეკა და განაცხადა, რომ თვითმფრინავი დანაღმული იყო.
„ეს მოხდა მას შემდეგ რაც ჩვენ თბილისიდან გამოვფრინდით. ჩვენ სამჯერ შეგვამოწმეს. ეხლა კი ბარგის კონტროლს ველოდებით. თითქმის ყველაფერმა ჩიარა“, განუცხადეს sova-ს მგზავრებმა.
ავიაკომპანია Georgian Airways-ში აღნიშნულ ფაქტს ადასტურებენ და აცხადებენ, რომ ბორტის შემოწმება მართლაც მიმდინარეობს, თუმცა ამ დროისათვის რაიმე ასაფეთქბელი საშუალება თვითმფრინავში დაფიქსირებული არ არის.
