რუსეთიდან საქართველოს მიმართულებით დაჯავშნილი ავიაბილეთების რაოდენობა 4-ჯერაა გაზრდილი.
იმავდროულად რუსეთიდან საქართველოს დედაქალაქში ფრენის ღირებულება წელს, გასული წლის ანალოგიურ პერიოდთან შედარებით, 21%-ითაა შემცირებული. დღეისათვის რუსეთიდან საქართველოს მიმართულებით ორმხრივი ავიაბილეთის ფასი საშუალოდ 13,4 ათასი რუბლია.
ასევე მესამედით, ანუ 32%-ითაა გაზრდილი მოთხოვნა რუსეთის სხვადასხვა ქალაქებიდან ბათუმის მიმართულებით ავიაბილეთებზე. აღნიშნულ სიხშირეებზე ორმხრივი ავიაბილეთის ფასი საშუალოდ 16 ათასი რუბლია. ეს კი იმას ნიშნავს, რომ ავიაბილეთის ფასი გასული წლის ივნის-აგვისტოსთან შედარებით 15%-ითაა შემცირებული.
4-ჯერაა გაზრდილი ასევე ავიაბილეთების გაყიდვები ქუთაისის მიმართულებითაც. როგორც რუსული მედია წერს, რუსეთიდან ქუთაისის მიმართულებით ავიაბილეთის ფასი 53%-ითაა შემცირებული
რუსეთიდან დასავლეთ საქართველოს მიმართულებით ფრენის ავიაბილეთის საშუალო ფასი 10,2 ათას რუბლს შეადგენს.
აღსანიშნავია, რომ მაისში საქართველო რუსი ტურისტებისათვის ყველაზე ხელსაყრელი მიმართულებების „ტოპ-5“-ში შედის.
