ბათუმში ქუჩებისა და სკვერების გადარეცხვისა და მორწყვის სამუშაოები ინტენსიურად დაიწყო. ბათუმის მერიის ინფორმაციით, ყოველდღიურად ხორციელდება როგორც ცენტრალური, ასევე გარეუბნების ქუჩების გადარეცხვა. უასფალტო ქუჩები კი დღეში რამდენჯერმე ირწყვება. აქტიურად ხორციელდება იმ ქუჩების გადარეცხვაც, რომლებზეც ინფრასტრუქტურული სამუშაოები მიმდინარეობს. ყოველდღიურად ირეცხება იუსტიციის სახლის, ჩინური რესტორნისა და ახალი ბულვარის მიმდებარე ტერიტორიები. ეტაპობრივად ირწყვება ქალაქში არსებული პარკები და სკვერები.
მორწყვისა და გადარეცხვის სამუშაოებს შპს ,,სანდასუფთავების“ სპეცტექნიკა ასრულებს. გარდა გეგმა-გრაფიკით გათვალისწინებული სამუშაოებისა, ხდება გამოძახებებზე რეაგირებაც.
