იაპონურმა „ლოუკოსტერმა“ Vanila Air-მა შშმ პირი შეურაცხყო. უცხოური მედიის ინფორმაციით, იაპონურმა ავიაკომპანიამ შშმ პირს ბორტზე ასვლაზე უარი უთხრა, მიზეზად კი ეტლისთვის ასასვლელი სპეციალური პანდუსის არქონა დაასახელა.
"ვისაც არ შეუძლია სიარული, ის თვითმფრინავში დაჯდომასაც ვერ შეძლებს“, განუცხადა პირს ავიაკომპანიამ.
ამის შემდგომ შშმ პირის მეგობარმა ის ხელით აიყვანა ბორტზე და თავის ადგილზე მოათავსა.
მას შემდეგ რაც თვითმფრინავმა ფრენა განახორციელა და აეროპორტში დაეშვა, ბორტგამყოლებმა შშმ პირს პირდაპირი გაგებით ტრაპზე ცოცვა აიძულა.
როგორც გამოცემა Kyodo წერს, ბორტგამყოლებმა შშმ პირს თვითმფრინავიდან ჩასვლისას დახმარებაზე უარი უთხრეს და პარალიზებულ ადამიანს ტრაპის კიბეებზე თავად მოუხდა ჩაცოცება.
მას შემდეგ რაც ეს ფაქტი საჯარო გახდა და მედიაში გაშუქდა, ავიაკომპანიამ შშმ პირს ბოდიში მოუხადა.
