შვედეთის ქალაქ მალმეში სროლის ხმა ისმოდა. გამოცემა Sydsvenskan-ის ინფორმაციით, ინციდენტი ქალაქის ერთ-ერთ მიკრორაიონში სასურსათო მაღაზიასთან მოხდა. სროლისას 3 ახალგაზრდა მამაკაცი დაშავდა. სამივე მათგანი ნარკოტიკებით ვაჭრობაში იყო ეჭვმიტანილი. ერთ-ერთი კი წარსულში სასჯელს მკვლელობისთვის იხდიდა. დაჭრილები საავადმყოფოში გადაიყვანეს. ორი მათგანის მდგომარეობა მძიმეა.
