14-16 ივლისს თბილისში “კომუნიკათონი” გაიმართება. კომუნიკაციების ჰაკათონის მიზანია კომუნიკაციის კამპანიების შემუშავება, რომლებიც ორგანიზატორების მიერ შეთავაზებული პრობლების გადაჭრის გზებსა და ცნობადობის გაზრდაზე იქნება ორიენტირებული. კომუნიკათონის მონაწილეებს Democracy Reporting International-ისა და საქართველოს ახალგაზრდა იურისტთა ასოციაციის კვლევის მონაცემებზე მოუწევთ მუშაობა. ანგარიშის თანახმად, საქართველოში პოლიტიკური მდგომარეობა უკიდურესად პოლარიზებულია. პოლიტიკურმა კულტურამ, სადაც „გამარჯვებული იგებს ყველაფერს“, უზარმზარი უფსკრული და არასტაბილურობა წარმოშვა. პოლარიზების თემაზე მომზადებული ანგარიში შეგიძლიათ იხილოთ ბმულზე: https://goo.gl/aAyZnk
ჰაკათონში მონაწილეობა შეუძლიათ პოლიტიკის და საერთაშორისო ურთიერთობების სტუდენტებს, სამოქალაქო საზოგადოების წარმომადგენლებს, კომუნიკაციის სპეციალისტებს, ექსპერტებს, დიზაინერებს და დეველოპერებს. მონაწილეებს შეუძლიათ როგორც ინდივიდუალურად, ასევე გუნდურად მუშაობა. ღონისძიების მონაწილეები პოლიტიკურ პოლარიზაციასა და კომუნიკაციებზე ტრენინგს გაივლიან.
