შპს საფინანსო კომპანია „საქართველოს“ მიერ დაზარალებულები მთავრობის ადმინისტრაციის წინ უკვე მეორე დღეა შიმშილობენ.
მოშიმშილეები ქოლგების დადგმის უფლებას ითხოვენ და აცხადებენ, გუშინ კანცელარიის დაცვის თანამშრომელმა გაშლილი ქოლგები ააღებინათ.
„გუშინ გამოვიდა კანცელარიის დაცვის თანამშრომელი, ქოლგები აგვაღებინა და გვითხრა, რომ აქ ქოლგის დადგმის უფლება არ გვქონდა. როგორ წარმოუდგენიათ ქოლგის გარეშე ამ სიცხეში დგომა. ერთი-ერთი მოშიმშილე, სიცხის გამო, გუშინ სასწრაფო დახმარებამ წაიყვანა. მოვითხოვთ, მოგვაქციოს სახალხო დამცველმა და მთავრობამ ყურადღება“, - განაცხადა დაზარალებულმა ეთერ კოხტაშვილმა.
მოშიმშილეების მოთხოვნა კანცელარიაში საკოორდინაციო ჯგუფი შეიქმნაა, რომელიც, მათი თქმით, კომპანიის ხელმძღვანელის გარდა, სხვა დამნაშავე პირებსაც გამოავლენს, ასევე შეიმუშავებს სქემას, თუ როგორ მოხდება მათი თანხების დაბრუნება.
