პოლონეთის მმართველი პარტიის ლიდერის, იაროსლავ კაჩინსკის თქმით, ქვეყანა ვალდებილი არაა ახლო აღმოსავლეთიდან და აფრიკიდან მიგრანტები მიიღოს.
„პოლონეთს ამ სახელმწიფოებისთვის ექსპლუატაცია არ გაუწევია, არ გამოუყენებია მათი მუშახელი და არ მიუწვევია მათი მოქალაქეები ევროპაში. ამიტომ, სრული მორალური უფლება გვაქვს, მათ მიღებაზე უარი ვთქვათ. აქ საუბარი მხოლოდ ტერორიზმის საფრთხეზე არ არის. საუბარია ჩვეულებრივ უსაფრთხოებაზე. არანაირი მიზეზი არ არსებობს იმისა, ჩვენი ცხოვრების ხარისხის სტანდარტი დავაქვეითოთ,“-აღნიშნა კაჩინსკიმ პარტიის კონგრესზე სიტყვით გამოსვლისას.
