მოსკოვში სტიქიას 3 ადამიანი ემსხვერპლა, 5 კი დაშავდა. ადგილობრივი მედიის ინფორმაციით, სატვირთო მანქანას ქარმა სახურავი მოსწყვიტა და ორ მამაკაცს მოხვდა. ერთი მათგანი ადგილზევე გარდაიცვალა, მეორე კი საავადმყოფოში. დიმიტროვის ქუჩაზე კი ახალგაზრდა მამაკაცს ელვამ დაარტყა. ექიმებმა მისი გადარჩენა ვეღარ შეძლეს. სინოპტიკოსების ვარაუდით, დღეს საღამოს მოსკოვში ღვარცოფია მოსალოდნელი.
