ბრიუსელის მინისტერიალის დასრულების შემდეგ გამართულ ბრიფინგზე ნატოს გენერალური მდივანი და ამერიკის თავდაცვის მინისტრი შეკამათდნენ. დავის მიზეზი ავღანეთიდან ჯარების გაყვანის საკითხი გახდა.
ჯეიმს მეტისმა პრესკონფერენციაზე ღიად განაცხადა, რომ 2014 წელს ავღანეთიდან ნატოს კონტინგენტის გაყვანა ნაჩქარევი გადაწყვეტილება იყო, რაშიც მას სტოლტენბერგი არ დაეთანხმა. 2011 წელს ავღანეთში ნატოს კონტინგენტი 130 ათას სამხედრო მოსამსახურეს ითვლიდა, 2014 წლის ბოლოსთვის კი ალიანსმა ქვეყნიდან სამხედრო კონტინგენტის გაყვანა დაიწყო. ამჟამად ქვეყანაში 13,5 ათასამდე ნატოს ჯარისკაცი იმყოფება.
ალიანსი ავღანეთში კონტინგენტის გაზრდას გეგმავს.
