ლუგანსკში უკრაინელების მიერ დატყვევებული ვიქტორ აგეევის დედა დახმარებას ითხოვს. განცხადებით მან პარტია „იაბლოკოს“ ალტაის განყოფილებას მიმართა. როგორც ჯარისკაცის დედა აცხადებს, მისი შვილი 18 მარტიდან როსტოვში კონტრაქტორად მსახურობდა, სამსახურით კმაყოფილი იყო და კონტრაქტის გაწყვეტას არ აპირებდა. აგეევის დედას წარმოდგენა არ აქვს, თუ როგორ მოხვდა მისი შვილი ლუგანსკში და რა პირობებში იმყოფება ამჟამად. მისივე თქმით, დახმარებისთვის რაიონულ სამხედრო განყოფილებებს უკვე მიმართა, თუმცა განმარტება ვერ მიიღო. 22 წლის ვიქტორ აგეევის დატყვევების შესახებ ინფორმაცია 2 დღის წინ გავრცელდა, თუმცა რუსეთის თავდაცვის სამინისტრომ კატეგორიულად უარყო ის ფაქტი, რომ აგეევი რუსეთის შეიარაღებულ ძალებში კონტრაქტორად მსახურობდა.
