ამერიკის სახელმწიფო მდივანმა, რომელიც მშვიდი ხასიათით გამოირჩევა, თეთრ სახლში სკანდალი მოაწყო. ამის შესახებ გამოცემა „პოლიტიკო“ იტყობინება. გავრცელებული ინფორმაციით, რექს ტილერსონი კადრების განყოფილების უფროსის, ჯონი დე სტეფანოს საქციელმა გააღიზიანა, რომელიც პირველ დიპლომატს მოადგილეების დანიშვნაში ხელს უშლიდა. ამის გამო ტილერსონმა დე სტეფანოს მკაცრი ტონით აუხსნა, რომ მის თავნებობას არ აიტანდა და ისიც შეახსენა, რომ ტრამპმა მას კადრების შერჩევაში სრული თავისუფლება მისცა. როგორც „პოლიტიკო“ იტყობინება, ტილერსონის მოულოდნელმა რეაქციამ თეთრი სახლის თანამშრომლები შოკში ჩააგდო. მოგვიანებით კი პრეზიდენტის სიძემ და მრჩეველმა ჯარედ კუშნერმა ტილერსონის საქციელს არაპროფესიონალური უწოდა.
