რუსეთში, ნოვისიბირსკის ოლქის, ქალაქ ობის სასამართლომ ავიაკომპანია S7-ის სასამართლომ უკანონოდ ცნო ავიაკომპანიის მიერ “ეკონომ ტარიფით” ბარგის უფასოდ გატარების აკრძალვა, – განცხადებას დასავლეთ ციმბირის ტრანსპორტის პროკურატურა ავრცელებს.
როგორც უწყებაში აცხადებენ, ტარიფების მიღებისა და ფორმულირებისას, რუსეთის საავიაციო კანონმდებლობით მგზავრს უფლება აქვას ბორტზე უფასოდ 10 კმ-მდე ბარგი აიტანოს.
„თუმცა S7-მა „საბაზო ეკონომ“ ტარიფი შეიმუშავა, რომელიც უფასო ბარგის სერვისს არ ითვალისწინებს. ტარიფი ბორტზე მხოლოდ შეზღუდული მოცულობით ხელბარგის ატანას ითვალისწინებს“, – განმარტავენ პროკურატურაში.
სწორედ ამის გათვალისწინებით, პროკურატურამ სასამართლოში S7-ს არსებული სატარიფო პოლიტიკის უკანონოდ ცნობისთვის სარჩელი შეიტანა. სასამართლობ საბოლოოდ პროკურატურის მოთხოვნა დააკმაყოფილა, თუმცა გადაწყვეტილება ჯერ ძალაში არ შესულა.
