ვფიქრობ, რომ განსაკუთრებული დღეა, რადგან ეს არ არის უბრალოდ ერთი ახალი საწარმოს გახსნა. დღეს მოწმე ვართ, ძალიან მნიშვნელოვანი, საერთაშორისო და მსოფლიოში ერთ-ერთი ყველაზე აღიარებული ბრენდის საქართველოში შემოსვლის, - ამის შესახებ სოფლის მეურნეობის მინისტრმა, ლევან დავითაშვილმა სოფელ ნაბეღლავში უალკოჰოლო სასმელების საწარმოს გახსნაზე განაცხადა.
„კომპანია „რაუხი“ ლიდერი კომპანიაა და მნიშვნელოვანია, რომ საქართველოდან ნახევრადფაბრიკატი პროდუქტების გატანა არ მოხდება, რომელიც ევროპის ქვეყნებში იღებს საბოლოო სახეს და აქვს დამატებითი ღირებულება. ამ შემთხვევაში, პირიქით არის, საქართველოში მოხდება ჩამოსხმა და საბოლოო სახის მიღება. ექსპორტზე გატანა კი, ისეთ ქვეყნებში მოხდება, როგორიცაა სპარსეთის ყურის ქვეყნები და აღმოსავლეთ ევროპის ქვეყნები. კომპანია 100 ქვეყანაში ოპერირებს და ეს საწარმო ქვეყნის ექსპორტის ზრდაში მნიშვნელოვან როლს შეიტანს“, - განაცხადა დავითაშვილმა.
ცნობისთვის, საქართველოს პრემიერ-მინისტრმა გიორგი კვირიკაშვილმა დღეს, გურიაში, სოფელ ნაბეღლავში უალკოჰოლო სასმელის საწარმო გახსნა. საწარმოს ქარხნის საინვესტიციო ღირებულება 40 მილიონი ევროა. პროექტი ავსტრიელ დ შვეიცარიელ პარტნიორებთან ერთად, ასევე EBRD-ის თანამონაწილეობით განხორციელდა.
