თბილისში, რუსთაველის მეტროსთან შეზღუდული შესაძლებლობების მქონე პირები აქციას მართავენ. აქციის მონაწილეები ხელისუფლებას შშმ პირების უფლებების შელახვის შესაჩერებლად ქმედითი ნაბიჯების გადადგმისკენ მოუწოდებენ.
მათი განცხადებით, დამოუკიდებლად გადასაადგილებლად საჭირო ინფრასტრუქტურის არქონის გამო, მათი დიდი ნაწილი შიდაპატიმრობაში რჩება, სწორედ ამიტომ, ქალაქში შესაბამისი ინფრასტრუქტურის მოწყობას მოითხოვენ, მათ შორის მუნიციპალურ ტრანსპორტსა და მეტროში.
ისინი პარლამენტის შენობისკენ ინაცვლებენ, სადაც მთავრობას 2013 წელს, პარლამენტის მიერ რატიფიცირებულ გაეროს შშმ პირთა კონვენციის პირობებს შეახსენებენ, რომელსაც, მათი შეფასებით, ხელისუფლება უგულვებელყოფს.
ფოტო: საზოგადოებრივი მაუწყებელი
