თბილისში, რუსთაველის გამზირზე, კინოს სახლის მიმდებარე ტერიტორიაზე დიდი სიჩქარით მოძრავი ავტომობილი მოცურდა. მძღოლმა საჭე ვერ დაიმორჩილა და ამოტრიალდა.
თვითმხილველთა თქმით, მძღოლი მძიმედ არის დაშავებული. ის სასწრაფო დახმარების ბრიგადამ უკვე გადაიყვანა სტაციონარში.
ამ წუთისთვის, შემთხვევის ადგილზე მობილიზებულია სასწრაფო დახმარების, სამაშველო და საპატრულო სამსახურის ბრიგადები.
ფოტო: imedinews.ge
