პარიზში მიმდინარე ავიაშოუს პირველი დღის მონაცემებით, მსოფლიო თვითმფრინავების წარმოების მთავარმა მოთამაშეებმა Airbus-მა და Boeing-მა დაკვეთა და შესაბამისი კონტრაქტი 300 ლაინერზე მიიღეს. პირველი დღის მონაცემებით, ამ დაკვეთებიდან ყველაზე მყარი დაკვეთები მაინც Airbus-ს აქვს.
ევროპულმა ავიამშენებელმა მყარი დაკვეთა მიიღო ამერიკული სალიზინგო კომპანია GE Capital Aviation Services-გან (GECAS). საუბარია 100 ერთეულ A320neo-ზე, რომლის ღირებულებაც 10,8 მლრდ დოლარია.
სალიზინგო კომპანია Air Lease Corp-მა Airbus-ს დაუკვეთა ასევე 12 ერთეული A321neo.
რაც შეეხება Boeing-ს, მან საკმაოდ მყარი შეკვეთები მიიღო ირლანდიური AerCap-გან, საუბარია 30 ერთეულ Boeing 787-9-ზე. აღნიშნული შეკვეთის ბიუჯეტი 8,1 მლრდ დოლარს შეადგენს. გარდა ამისა ამერიკულმა ავიამშენებელმა GECAS-თან 20 ერთეული Boeing 737MAX-ის რეალიზაციაზე გააფორმა ხელშეკრულება.
ავიასალონის პირველი დღის მონაცემებით, Boeing-მა შეკვეთა მიიღო Qatar Airways-გან, რომელსაც 20 ერთეული Boeing 737MAX-8-ის შეძენა სურს. Boeing-მა მიიღო დაკვეთა ასევე ტუროპერატორ TUI Group-გან 18 ერთეულ Boeing 737MAX-10-ზე.
