აზერბაიჯანის ნაციონალური ავიახაზები AZAL-ი მზადაა ოთხი Boeing 787-ი იყიდოს. აღნიშნულის შესახებ განცხადება პარიზში მიმდინარე ავიაშოუ “ლე ბურჟზე“ გაკეთდა. ოთხივე თვითმფრინავის ღირებულება, არსებული კატალოგების მიხედვით 918 მლნ დოლარია.
აღსანიშნავია, რომ AZAL-ის ავიაპარკში დღეისათვის ორი Boeing 787-8, რომლიდანაც ერთ-ერთი ავიაკომპანიამ 2014 წელს იყიდა. აღნიშნული ავიალაინერით AZAL-ი რეისებს ასრულებს ბაქოდან ლონდონის, სტამბოლისა და მოსკოვის მიმართულებით. ხოლო მეორე Boeing 787-8-ით AZAL-ი ბაქოდან ნიუ-იორკის მიმართულებით დაფრინავს.
თუ რა მიზნით ყიდულობს AZAL-ი ახალ Boeing-ებს, ესაა ავიაპარკის განახლებისთვის თუ ფრენების გამრავალფეროვნებისთვის, ჯერჯერობით არ კონკრეტდება.
დღეისათვის AZAL-ის ავიაპარკი აერთიანებს ასევე Airbus A340-ს, Boeing 767-ს და Boeing 757-ს.
