კოალიციის მიერ სირიული თვითმფრინავის ჩამოგდების ფაქტს ვაშინგტონი ეხმაურება. თეთრი სახლის პრეს-მდივნის, შონ სპაისერის განცხადებით, შეერთებულ შტატებს თავდაცვის უფლება აქვს და სირიაში საკუთარ ინტერესებს ყოველთვის დაიცავს. სირიული სამხედრო თვითმფრინავი კოალიციამ ქალაქ რაქასთან 2 დღის წინ ჩამოაგდო. ამერიკული მხარის განმარტებით, ავიაგამანადგურებელი სირიის დემოკრატიული ძალების პოზიციებს ბომბავდა. ინციდენტის გამო რუსეთმა სირიის საჰაერო სივრცეში ამერიკელებთან თანამშრომლობა შეწყვიტა.
