ავიაკომპანია "ვიზეარმა" ქუთაისიდან პირველად, ქუთაისი-ლონდონის მიმართულებით რეისი შეასრულა. ლონდონის მიმართულებით ქუთაისიდან ფრენები კვირაში ორჯერ განხორციელდება. ბილეთის საწყისი ფასი კი 47 ლარია.
ლონდონის რეისის ერთ-ერთი პირველი მგზავრი ქუთაისის მერი შოთა მურღულია იყო, რომელიც ქუთაისთან დამეგობრებულ ქალაქ ნიუპორტში გაემგზავრა.
როგორც ქუთაისის საერთაშორისო აეროპორტში განმარტავენ, ეს რეისი საგრძნობლად გაზრდის ტურისტების ნაკადს.
