ნოტარიუსთა პალატის ახალი თავმჯდომარე მარიკა გოგოლაძე იქნება.
აღსანიშნავია, რომ პალატას თავმჯდომარის დამოუკიდებლად არჩევის შესაძლებლობა უკვე მეორედ მიეცა.
"მიუხედავად იმისა, რომ ნოტარიატის შესახებ კანონი თავმჯდომარის კანდიდატურის შერჩევის და მისი ნოტარიუსთა საერთო კრებისთვის წარდგენის ერთპიროვნულ უფლებას იუსტიციის მინისტრს აძლევს, თეა წულუკიანმა, ისევე, როგორც 2014 წელს, უარი თქვა კანდიდატურის ერთპიროვნულად დასახელებაზე და შესაძლებლობა მისცა ნოტარიუსებს, გამგეობის თავმჯდომარე დამოუკიდებლად აერჩიათ. ელექტრონული პრაიმერისის შედეგად, ნოტარიუსებმა პალატის თავმჯდომარის პოსტზე მარიკა გოგოლაძის კანდიდატურას მიანიჭეს უპირატესობა. სწორედ ის წარუდგინა კრებას დასამტკიცებლად იუსტიციის მინისტრმა", - ნათქვამია იუსტიციის სამინისტროს განცხადებაში.
