ჰელმუდ კოლს გამომშვიდობების ევროპული ცერემონია უნდა მოუწყონ. ამ ინიციატივით ევროკომისიის ხელმძღვანელი ჟან კლოდ იუნკერი გამოვიდა.
„ის იყო ევროპელი გერმანელი. მან განსაზღვრა ამ კონტინენტის ბედი და გააერთიანა აღმოსავლეთ და დასავლეთ ევროპა. ჯერ კიდევ სიცოცხლეში ის ევროპის საპატიო მოქალაქე გახდა. ამიტომ, მას პატივი სათანადოდ მივაგოთ და გამომშვიდობების ევროპული ცერემონია უნდა მოვაწყოთ,“-აღნიშნა იუნკერმა.
გერმანიის ყოფილი კანცლერი 2 დღის წინ 87 წლის ასაკში გარდაიცვალა.
