ე.წ „5 დედაქალაქის მატარებელი“ კიევი-მინსკი-ვილნიუსი-რიგა-ტალინი წლის ბოლომდე ამოქმედდება, იმედოვნებს უკრაინის ინფრასტრუქტურის მინისტრი ვლადიმირ ომელიანი.
„ჩვენ მივიჩნევთ, რომ წლის ბოლომდე „5 დედაქალაქის მატარებელის“ გაშვებას შევძლებთ და ეს მარშრური მგზავრებს შორის საკმაოდ დიდი პოპულარულობითაც ისარგებლებს“, განაცხადა მინისტრმა.
მინისტრს პროექტის შესახებ მეტი დეტალი აღარ გაუჟღერებია.
The Baltic Course კი წერს, რომ ომელიანის იდეას ესტონეთი საკმაოდ ცივად შეხვდა. ესტონეთის რკინიგზის Eesti Raudtee-ს ხელძღვანელმა ერიკ ლაიდვერმა განაცხადა, რომ პროექტი ქვეყნის ხელისუფლების და ასევე ბელორუსის რკინიგზის წარმომადგენლებთან განიხილა, თუმცა რეალური დეტალების შესახებ ინფორმაცია არავის არ აქვს.
„ყველამ თავი დააქნია - შეიძლება, ვნახოთ რა გამოვა, ვცადოთ... თუმცა რეალურად საქმეს ჯერ არავინ აკეთებს. მთლიანობაში იდეას ვემხრობით, რაც უფრო მეტი იქნება ასეთი მატარებელი მით უკეთესი. თუმცა თუ მგზავრებზეც ვიტყვით, აქ პრობლემა - სიჩქარეა“, განაცხადა ლაიდვერმა.
შეგახსენებთ, რომ უკრაინა გეგმავს უჟგოროდი-კოშიცეს (სლოვაკეთი) მიმართულებაზე სარკინიგზო მიმოსვლის დაწყებას. ასევე მოლაპარაკებები მიმდინარეობს სარკინიგზო მიმოსვლის დაწყებაზე მუკაჩაევოსა და ბუდაპეშტს შორის. განხილვაშია ასევე კიევი-სოფიას მიმართულებით სარკინიგზე ხაზზე მატარებლების მოძრაობაც.
