უკრაინულმა ავიაკომპანიებმა იანვარ-მაისში მგზავრთნაკადი 42,5%-ით 3,471 მლნ მგზავრამდე გაზარდეს.
სტატისტიკური ინფორმაციის მიხედვით, საერთაშორისო მგზავრთნაკადი მიმდინარე წლის ხუთ თვეში გასული წლის ანალოგიურ პერიოდთან შედარებით 45.1%-ით, 3,127 მლნ მგზავრამდე გაიზარდა.
5 თვის განმავლობაში უკრაინულმა ავიაკომპანიებმა 33,3 ათასი კომერციული რეისი განახორციელეს, რაც გასული წლის მონაცემებთან შედარებით 24,7%-ითაა მომატებული.
ასევე საანგარიშო პერიოდში საერთაშორისო ფრენების რაოდენობა 22,9%-ით გაიზარდა.
იანვარ-მაისში უკრაინის აეროპორტების სულ 5,497 მლნ მგზავრს (+34,1%) მოემსახურნენ, მათ შორის საერთაშორისო რეისებზე 4,800 მლნ მგზავრს (+36,2%).
