ვაშინგტონი მოსკოვისთვის სანქციების მოხსნის წინაპირობას ასახელებს. თეთრი სახლის განცხადებით, სანქციები რუსეთს მხოლოდ იმ შემთხვევაში მოეხსნება, თუ მინსკის სამშვიდობო შეთანხმებით აღებულ ვალდებულებებს შეასრულებს. თეთრი სახლის წარმომადგენელმა განცხადება მას შემდეგ გააკეთა, რაც სენატმა რუსეთისთვის სანქციების გაფართოებას მხარი დაუჭირა. რუსეთის ბანკებისა და ეკონომიკური სექტორის წინააღმდეგ მიმართული სანქციების შემოღების ინიციატივით რესპუბლიკელი სენატორი ლინდსი გრემი გამოვიდა. დოკუმენტს უახლოეს მომავალში წარმომადგენელთა პალატაში განიხილავენ. კანონპროექტის დამტკიცების შემთხვევაში ის პრეზიდენტს გადაეგზავნება.
