ქართული ავიაკომპანია Georgian Airways-ი (აირზენა) ბათუმიდან ასტანის მიმართულებით ფრენებს იწყებს. როგორც abctv.kz წერს აღნიშნულ მარშრუტზე Georgian Airways-ი ფრენების განხორციელებას 18 ივნისიდან შეუდგება. უკვე ცნობილია რომ Georgian Airways-ი ბათუმი-ასტანა-ბათუმის მიმართულებით ფრენებს Boeing 737-ით განახორციელებს.
abctv.kz ასევე წერს, რომ საქართველოსა და ყაზახეთის საავიაციო ხელისუფლებები დარწმუნებულნი არიან, რომ ახალი სამარშრუტო ხაზის გახსნა ორ ქვეყანას შორის სავაჭრო-ეკონომიკურ ურთიერთობებს გააღრმავებს და ხელს შეუწყობს ქვეყნებს შორის ტურიზმის კიდევ უფრო განვითარებას.
დღეისათვის საქართველოსა და ყაზახეთს შორის ფრენებს ავიაკომპანია Air Astana ასრულებს, რომელიც თბილისის მიმართულებით ფრენებს ასტანიდან და ალმაატადან ახორციელებს. ასევე დაფრინავს ავიაკომპანია SCAT-ი, რომელიც თბილისის, ბათუმისა და ქუთაისის მიმართულებით ყაზახეთის ქალაქ აქტაუდან დაფრინავს.
